सद्धर्म न्यने मयोपिं न्यागू प्रकारया मनूत खँ - भिक्षु सोम (एहिपस्सिक - १६२ औं भाग २०७५ फागुन ५ गते)
अं गुत्तर निकाय - सद्धम्मवग्गो - दुक्खकथा ‘‘पञ्चन्नं , भिक्खवे , पुग्गलानं कथा दुक्कथा पुग्गले पुग्गलं उपनिधाय। कतमेसं पञ्चन्नं ? अस्सद्धस्स , भिक्खवे , सद्धाकथा दुक्कथा ; दुस्सीलस्स सीलकथा दुक्कथा ; अप्पस्सुतस्स बाहुसच्चकथा दुक्कथा ; मच्छरिस्स चागकथा दुक्कथा ; दुप्पञ्ञस्स पञ्ञाकथा दुक्कथा। सद्धर्म न्यने मयोपिं न्यागू प्रकारया मनूत खँ १. अस्सद्धस्स सद्धाकथा दुक्कथा - श्रद्धा मदुपिं (पापकर्मे भुले जुया च्वँपिं) ब्यक्तिपिन्त श्रद्धाया वारे खँ कँवनेगु अवस्थाय् न्यने यइमखु । वथेँतु शील, ध्यान, विहार वनेगु, त्रिरत्नयागु वारे खँ न्यनेमालकि हे कथं सू थेँ जुइगु । कर्णप्रिय जुइ मखु । सद्धर्म नं न्यने फैमखु, यइ मखु । समाजसेवा यायेगु वारे, भन्तेपिनिगु वारे खँ ह्लातकि न्यने यइ मखु । भिंगु ज्याय् सःतलधासा तोचिना चिला वनी । रसरँगया खँ ल्हात धासा जक न्ह्याइपुका च्वनी । श्रद्धादुपिन्थाय् भन्ते गुरूमापिं थ्यना च्वनी, परित्राण पाठ याना वियाच्वनी, सत्संग यायेगु इच्छायाना च्वनी । स्वँगू प्रकारया श्रद्धा - क्षणिक श्रद्धा - न्यँतले कँम्ह प्रति श्रद्धा जुइ, धर
